Қызылорда облысында әлеуметтік осал топтағы әйелдер арнайы тренингтерден өтті

«Самұрық-Қазына» және БҰҰДБ-ның бірлескен бастамасы аясында Қызылорда облысының әлеуметтік осал топтағы шамамен 100 тұрғыны келесі тақырыптар бойынша бағдарламалардан өтуге мүмкіндік алды:

• Қаржылық сауаттылық;
• Жұмыс табу және түйіндеме толтыру;
• Неке-отбасылық және еңбек қатынастарын құқықтық реттеу;
• Алаяқтар мен қаржы пирамидаларының арбауына түспеу;
• Жұмыс жөніндегі сұхбатқа дайындалу.

Қордың портфельдік компаниялары – «Қазпошта», «Қазақстан темір жолы» және «Қазақтелеком» – 27 адамды тағылымдамаға қабылдады.

Айта кету керек, «Самұрық-Қазына» тобында басшылық лауазымдардағы әйелдердің үлесі 17%-ды құрайды. 2030 жылға қарай бұл көрсеткішті 30%-ға жеткізу көзделген.

Мүмкіндігі шектеулі адамдарды, соның ішінде әйелдерді жұмысқа алуға ерекше ден қойылады. Қор олардың кәсіби өсуі мен дамуына жағдай жасап, барлық қызметкерлер үшін тең мүмкіндіктер болуын қамтамасыз етеді.